OS VENRES EN GALEGO

ACCESO AO PADLET : 
https://padlet.com/edlgasangrinha/os-venres-coci-amos-en-galego-47f9fn6guweri4y0


MATERIAL PARA TRABALLAR O VOCABULARIO DE PEPIÑO:

Presentación do vocabulario que nos vai achegando Pepiño todos os  meses:

RULETA CON VOCABULARIO VARIADO:

XOGOS:

Ligazón ao bingo das ferramentas da cociña

Ligazón a sopa de letras

SAMAÍN

Iniciamos o blog de Dinamización da Lingua Galega con esta festa tan querida pola rapazada,  

O SAMAÍN!

Deixámosvos este cartel interactivo de vídeos, contos, actividades e presentacións sobre esta festa tan terrorífica. A recompilación de recursos foi realizada pola nosa compañeira: María Franco. 

Agardamos que atopedes algún recurso que vos sexa útil tanto nas aulas coma nas casas.

FELIZ SAMAÍN!

LUÍSA VILLALTA

Este ano a homenaxeada no día das letras galegas é a escritora, filósofa e violinista, Luísa Villalta. Para celebrar este día, o alumnado do CEIP Manuel Rodríguez Sinde, CEIP Plurilingüe As Solanas e o CEIP A Sangriña, realizaremos un percorrido polas rúas da vila para divulgar a súa poesía e biografía.

Por outra banda, deixamos tamén á vosa disposición material interactivo e descargable nas seguintes ligazóns:

SEMINARIO GALÁN

Aquí podedes atopar a biografía, recursos tanto en papel coma en liña, fotos e a obra da escritora. 

PRIMAVERA DAS LETRAS

Por outro lado, da man da Real Academia Galega, tamén podemos obter información, actividades, xogos e vídeos sobre Luísa Villalta.

O EDLG

XA CHEGA O ENTROIDO!

Dende o equipo de EDLG queremos aportar o noso gran de area divulgando o noso entroido. 

Cal é a palabra correcta para denominar esta festa tradicional?

VÍDEO: PALABRA ENTROIDO

Se viaxades por distintos lugares de Galicia atoparedes distintas formas de celebrar o Entroido. No cole levamos xa uns anos celebrándoo coa figura do MECO e enchéndonos de fariña. Sabedes de onde veñen estas tradicións?

QUEN FOI O MECO?

Meco en Xinzo de Limia

Se queres saber máis sobre o MECO, pinchade AQUÍ

O DOMINGO FARELEIRO

Domingo Fareleiro en Xinzo de Limia

Se queres saber máis sobre o domingo fareleiro, pinchade AQUÍ

MATERIAL PARA TRABALLAR O ENTROIDO:

PASAPALABRA DO ENTROIDO

CUESTIONARIO DO ENTROIDO

UD DO ENTROIDO

UD ENTROIDO, ANTONIO FRAGUAS

Tedes máis información e actividades no blogue da nosa compañeira Mari Álvarez: pinchade AQUÍ

OS VENRES EN GALEGO

ALGÚN PROPÓSITO DE ANINOVO?

Nós temos o noso: falar máis galego e contaxialo por toda a comunidade educativa.

Para iso decidimos que os venres sexan en galego. Ese día todo o alumnado e profesorado debe empregar a nosa lingua para comunicarse no patio, horas de ler, cambios de clase e incluso nas clases nas que sexa posible.

Animámosvos  a participar nesta iniciativa tanto dende o centro coma dende a casa e que desta maneira, pouco a pouco, deixe de ser unha actividade so dos venres. Os motivos non son poucos:

Comezamos hoxe mesmo, o venres 12 de xaneiro!

Deica a próxima!

CHEGA O NADAL

 Xa chegan estas datas que a cativada tanto leva agardando. Nesta entrada do blog queremos compartir con vós material e recursos en galego para poder traballar tanto nas casas coma no cole.

E por suposto, a figura do APALPADOR será a protagonista desta entrada. Coñecédelo? 

Aquí temos un vídeo para coñecelo un pouco mellor da man de Anxo Moure:

A canción do Apalpador!

Aquí tedes este material co que ensamblar o voso propio Apalpador:

Por outro lado, deixamos estes recursos para que desfrutedes xogando e aprendendo máis sobre o Nadal:

PASAPALABRA DE NADAL

MEMORY NADAL

COMECOCOS DO NADAL

Ademais queremos compartir con vós esta lista de panxoliñas que podedes atopar en Spotify creada pola nosa compañeira Toa Rodríguez: PANXOLIÑAS

E por último, deixámosvos un catálogo realizado pola Mesa pola Normalización Lingüística. Inclúe diferentes propostas de agasallos co obxectivo de dar ideas para estas festas, así como promover un consumo responsable que aposte pola calidade, a proximidade e a lingua galega.

DESCARGAR CATÁLOGO

Agardamos que vos gusten e que gocedes das festas.

BO NADAL!

LÚA QUERE VIAXAR A MARTE

 Novembro foi un mes cheo de celebracións e conmemoracións e quixemos pechalo cun contacontos da Xanela do Maxín: LÚA QUERE VIAXAR A MARTE.

Toda a primaria foi testemuña de como Lúa, unha gatiña que quería ser astronauta, puido acadar os seus obxectivos a pesar de que todo o seu entorno se empeñaba en que non o conseguiría. Rimos, aplaudimos e aprendemos moito deste carismático personaxe.

Con esta actividade quixemos por o broche final a varias conmemoracións: o mes da ciencia na biblioteca escolar e o 25 N,  por suposto, na nosa lingua.

Esta actividade non sería posible sen a organización e colaboración de distintos equipos do cole: CPInclúe, a Biblioteca Escolar e o Equipo de Dinamización  Lingüística.

Agardamos que a rapazada gozara tanto do contacontos coma nós!

Ata pronto!