Día das Letras Galegas 2026 - BEGOÑA CAAMAÑO

O pasado luns 18 de maio no CEIP A Sangriña celebramos o Día das Letras Galegas cunha serie de actividades nas que as diferentes clases traballaron a figura de Begoña Caamaño organizándose en parellas ou tríos. Estes foron os equipos formados con cadanseu resultado:

3 anos/4°B e 6°: deseñaron un mural xigante sobre a obra Circe e o pracer do azul.

4 anos e 1°: colorearon estas láminas coa portada do mesmo libro mesturando o estilo artístico de Hervé Tullet e Gustav Klimt. 

2°A/2°B: ilustraron este poema dedicado á escritora.

3°A/5°A: O alumnado de terceiro preparou unha obra de teatro sobre a vida de Begoña que presentou ante o alumnado de quinto e despois xuntáronse para elaborar un knolling, unhas caixas que recollen o mellor desta representación teatral en forma de obxectos.

3°B/4°B: Elaboraron unha serie de actividades recollidas neste código QR.

5 anos/5°B: reuniron no seu traballo o mellor do proxecto anual de centro (a pintura) e o máis salientable da vida de Begoña Caamaño nunha grilanda que decora o Recunchiño de Pepiño.

Tamén fixemos unha actividade de comprensión lectora aproveitando os carteis de Begoña Caamaño.

                     💙FELÍZ DÍA DAS LETRAS GALEGAS!💙

A nosa arte - Tamara Baz

Hai uns días a ilustradora e muralista guardesa, Tamara Baz, fíxonos unha visita, contounos moitas cousas interesantes sobre a súa obra e agasallounos cunhas postais para cada alumno e alumna e unha lámina orixinal da súa autoría para sortear. Encantounos a presentación! 

Hoxe fixemos o sorteo e o agraciado coa lámina foi Liam Leis Matos de 3°B. 

Parabéns, Liam e moitas grazas Tamara! 😊

EU VEN VIR ESTAR O MOUCHO - ROSALÍA DE CASTRO

Os pequenos e pequenas de 6º de educación infantil cantaron e representaron mediante xestos o poema "Eu vin estar o moucho" de Rosalía de Castro, interpretado polo grupo musical Migallas. 

Vaia artistas, non si? 😄

Día de Rosalía 2026

Ola familias!

A pasada semana celebramos o Día de Rosalía de Castro . As titorías decoraron as siluetas desta escritora senlleira e desde as casas chegáronnos unha morea de fotos para decorar a entrada. 

Se aínda non a mandastes, tedes ata o vindeiro venres. Queda mou pouquiño para rematar este mural. Animádevos! 👏

Día da Paz 2026

Ola, familias! 

O Equipo de Dinamización da Lingua Galega do CEIP A Sangriña celebrou este ano o Día da Paz coa elaboración duns "comecocos pacíficos" para os máis cativos e un "Pasapalabra da Paz" para os maiores. Aquí volos deixamos cun desexo: que todos os días sexan o Día da Paz. 

Día de Rosalía 2026

Ola, familias! 

O 23 de febreiro celebraremos no cole o Día de Rosalía e xa estamos dándolle voltas a unha morea de actividades, pero este curso precisamos da vosa axuda. 

Queremos decorar a nosa entrada cun mural cheo de imaxes nas que vós, nenos e nenas, sexades os/as protagonistas.

Debedes traer unha foto (pode ser impresa en papel normal, máximo medio folio) na que saiades vós e algún elemento que nos lembre a Rosalía de Castro: un libro escrito por ela, a placa dunha rúa que leve o seu nome, un poema ou un debuxo dela, unha escultura da poetisa, o que se vos ocorra... Podedes incluso utilizar a intelixencia artificial.

Nós, os/as profes, xa estamos preparando a nosa foto porque o prazo remata o venres 20 de febreiro, así que, bulide! Podedes entregarllas ás vosas titoras ou deixalas en secretaría.

Graciñas! 😊

BO NADAL!

O Equipo de Dinamización da Lingua Galega deséxavos un Bo Nadal! 🎄