Día de Rosalía 2026

Ola, familias! 

O 23 de febreiro celebraremos no cole o Día de Rosalía e xa estamos dándolle voltas a unha morea de actividades, pero este curso precisamos da vosa axuda. 

Queremos decorar a nosa entrada cun mural cheo de imaxes nas que vós, nenos e nenas, sexades os/as protagonistas.

Debedes traer unha foto (pode ser impresa en papel normal, máximo medio folio) na que saiades vós e algún elemento que nos lembre a Rosalía de Castro: un libro escrito por ela, a placa dunha rúa que leve o seu nome, un poema ou un debuxo dela, unha escultura da poetisa, o que se vos ocorra... Podedes incluso utilizar a intelixencia artificial.

Nós, os/as profes, xa estamos preparando a nosa foto porque o prazo remata o venres 20 de febreiro, así que, bulide! Podedes entregarllas ás vosas titoras ou deixalas en secretaría.

Graciñas! 😊

BO NADAL!

O Equipo de Dinamización da Lingua Galega deséxavos un Bo Nadal! 🎄

PODCAST: CAPÍTULO 1 "O DESFILE DAS ÁNIMAS"

Ola familias,

Unha parte do alumnado do cole está gravando, coa axuda da profe Linda, este podcast arrepiante. Hoxe ofrecemos o primeiro capítulo pero haberá máis.

Desexamos que vos guste! 👻

SAMAÍN 2025

Ola, familias!

Pasado o Samaín, o Equipo de Dinamización da Lingua Galega (EDLG) quere facer un pequeno resumo de todo o traballo que fixemos e fixestes estes días. 

Agradecervos, en primeiro lugar, a vosa colaboración na decoración do centro, participando no Monstrarte: 

Ou coa aportación de cabazas decoradas: 

Contarvos tamén que os mestres e mestras pasámolo xenial convertendo o salón de actos nun arrepiante Túnel do Terror: 

E aquí tedes o resultado:

O alumnado de 5º e 6º trouxo unhas sobremesas ben saborosas. Tanto, tanto que non quedaron nin as migallas!

E o alumnado de 3ºA debutou este curso cunha pequena obra de teatro titulada A pasarela das ánimas. Podedes ver a representación teatral facendo click na seguinte imaxe:

De seguro que non será a última!

Para o ano, máis e mellor!

REMATAMOS O CURSO!

Remata o curso e con el Os Venres en Galego.

Non queremos despedir o curso sen antes agradecer a todo o alumnado e profesorado a colaboración nestes venres tan especiais. Colaborouse suxeitando as pancartas no primeiro momento da mañá e repartindo as palabriñas que Pepiño lle facía chegar a todas as aulas. 
Este ano inspirámonos no PDI, ENTRE OLAS E TIXOLAS, para ir un pasiño máis alá todos os venres e reforzar o noso vocabulario de cociña.

O resultado foi este PADLET con todas as achegas das diferentes aulas, unha marabilla! 

Despois de todo o traballado o alumando mereceu ser agasallado cuns lapis e marcapáxinas.

E xa para rematar, deixámosvos o acceso á web do centro onde podedes ver unha recompilación das fotos que lle fomos facendo cada venres ao alumnado.

WEB DO CENTRO

Unha aperta e feliz verán!

O 17 DAS CANTAREIRAS

Este 17 de maio homenaxeamos a Cantareiras Galegas. As protagonistas son:

Adolfina e Rosa Casás, de Cerceda; Eva Castiñeira, de Muxía; e Manuela Lema, Prudencia e Asunción Garrido Ameixenda e mais Teresa García Prieto, as catro integrantes das Pandeireteiras de Mens (Malpica de Bergantiños).

Este ano a música será a protagonista. O noso alumnado cantará a súa propia cantiga para compartila con todas e todos nós. 

Polo momento deixámosvos cantigas das homenaxeadas e outros exemplos máis actuais. Tamén podedes acceder a material para traballar nas aulas ou nas casas.

As Cantareiras e a Poesía Popular Oral

Muiñeira de Cerceda de Adolfina e Rosa Casás

Hoxe temos a grupos de música como Fillas de Cassandra, Tanxugueiras ou De Ninghures que siguen recuperando cantigas e facendo cancións novas que manteñen o legado Cultural de moitas mulleres coma as homenaxeadas.

De Ninghures, En fin que máis da.

Fillas de Cassandra, Tataravoa

Tanxugueiras, Aire

RECURSOS:

SEMINARIO GALÁN

APRENDE COAS MULLERES GALEGAS

DOROTHE SCHUBARTH

CANTIGAS POPULARES EN GALEGO

23 DE FEBREIRO, DÍA DE ROSALÍA

ROSALÍA DE CASTRO 

Xa queda menos para celebrar o día desta famosa escritora galega.

Coma cada ano, no cole recordamos a figura desta muller de distintas maneiras. Lembrades os poemas do ano pasado?

Este ano toca volver repasalos para saber de que nos falaba Pepiño nas súas cartas.

POEMAS DE ROSALÍA

Sabedes xa en que poema están as palabras de febreiro?

Por outro lado, compartimos con vós recursos que fomos atopando para seguir traballando e aprendendo de Rosalía de Castro:

SOBRE ROSALÍA

• Actividades sobre Rosalía 
  
  
• https://www.calameo.com/read/006704766387021d7bfa6
  
  
• GENIALLY PARA OS MÁIS MAIORES
  
  
• MARIQUIÑA DE ROSALÍA (INFANTIL E PRIMARIA)
  
  

SOBRE O CALDO DA GLORIA

• Ficha CALDO DE GLORIA (INFANTIL E PRIMARIA)
  
  
• POEMA: Miña casiña meu lar.

PARA CELEBRAR CANTANDO:

De Vacas (Rexurdimento)

Os D'abaixo (Campanas de Bastabales, feat. Amancio Prada)

Uxía (Rosalía Pequeniña)

Uxía (Alborada)

GRACIAS E ATA PRONTO!

O EDLG